نشرت الفنانة  شكران مرتجى على صفحتها الشخصية رسالة موجهة للمرشحين لإنتخابات نقابة الفنانين، أشارت في بدايتها بأنها غير نقابية ولا تستطيع الانتخاب..

وكتبت شكران في منشورها: "أرجوكم.. كونوا قراب منا، اسمعونا، لانصير نشوفكم بالمسلسلات ومانشوفكن بأوقات الشدة.."

ودعت مرتجى المرشحين للاعتناء بكبار الفنانين والمتقاعدين قائلة: "انتبهوا ع كبارنا، خلونا نشوف أعضاء النقابة بعزا الفنان المعتر مو بس النجم كمان بهي خيار وفقوس، يزور الفنان بالمشفى ويطبطب ع اهله ويوقف معهم.."

وأكملت مرتجى رسالتها بالقول: "ساعدوا الشباب الجداد يحققوا أحلامهم، ماتكون النقابة مركز جباية متل المي والكهربا، اجتماعات دورية تسمعوا هموم الفنانين، تحقيق فرص عمل ان وجدت، يكون في محامي للنقابة يوقف مع المظاليم والمظاليم كتار، جمع كل الفنانين برا وجوا هي نقابة الكل بلشوا من النقابة بوصل كل شي انقطع ونرجع إيد وحدة، يكون في خط ساخن للشكاوي عندما تهدر الكرامات، وقفوا مع الفنان بالحق مو مع الجهة المنتجة مشان أنتو تشتغلوا، بروتوكولات تعاون مظبوطة بين نقابات الفنانين بالدول العربية تحفظ كرامتنا وأكيد كرامتهم، كتار عم يموتوا قهر بس بحاجة لمين يسمعهم من الظلم وكلمة اشكر الله عم نشغلك وبياخد أجر كرمال بس يطعمي ولاده، خلو الفن يعمل اللي ماعملته السياسة.."

وختمت رسالتها بدعم الفنان  فادي صبيح لمنصب النقيب وقالت: "فادي صبيح بعرف إنك قدها يارب، وكل الحب للجميع".